Ürgənc. Trend:
Konstitusiyaya dəyişikliklər Özbəkistan üçün yeni imkanlar açacaq.
Trend-in müxbiri xəbər verir ki, bunu Azərbaycan jurnalistlərinə açıqlamasında Ürgənc sakini Uluqbek Atambayev deyib.
"Bu konstitusiya dəyişiklikləri gənclərimizə çox müsbət təsir göstərəcək və bizə yeni imkanlar verəcək. Müəllimlər üçün də çoxlu imkanlar olacaq. Ona görə də müəllim olduğum üçün mən də səsimi verməyə gəlmişəm. Buna əsaslanaraq bu gün seçimimi etdim", - deyə o bildirib.
Qeyd edək ki, bu gün Özbəkistanda ölkənin yeni konstitusiyasına dair qanun layihəsi üzrə ümumxalq referendumu keçirilir.