Bakı. Trend:
Ekvadorun Quayakil şəhərində həbsxanada baş verən qiyam nəticəsində ölənlərin sayı 18 nəfərə çatıb.
Trend-in məlumatına görə, bu barədə Ekvadorun baş prokuroru məlumat yayıb.
Məlumatda polis əməkdaşları da daxil olmaqla 11 nəfərin yaralandığı bildirilib.
Qeyd edək ki, iyulun 23-də Ekvadorda bir neçə həbsxanada iğtişaşlar baş verib. Beş cəzaçəkmə müəssisəsində 90-a yaxın mühafizəçi məhbuslar tərəfindən girov götürülüb.