Bakı. Trend:
İŞİD qruplaşmasının terrorçuları Suriyanın şərqindəki Rassafa bölgəsində silahlı hücum həyata keçiriblər.
Trend bu barədə xarici KİV-lərə istinadən xəbər verir.
Məlumata görə, terror aktı nəticəsində 20-dən çox əsgər həlak olub. Hadisə zamanı yaralanan təhlükəsizlik qüvvələri əməkdaşları xəstəxanalara çatdırılıblar.
Qeyd edək ki, Rassafa ərazisində İŞİD dəstələri son vaxtlar Suriya ordusunun nəzarət-buraxılış məntəqələrinə və hərbi nəqliyyat karvanlarına 13 dəfə hücum təşkil ediblər.