Bakı. Trend:
Tel-Əviv-Larnaka reysini yerinə yetirən sərnişin təyyarəsi geri qayıdıb.
Trend-in məlumatına görə, bu barədə "Phileleftheros" nəşri xəbər verib.
Məlumata əsasən, Kiprə uçan təyyarə kreyser sürətini yığdıqdan sonra pilot kabinəsindəki şüşələrdə çat əmələ gəlib. Gəmi komandiri geri qayıtmağa qərar verib.
Hava gəmisi İsrailin paytaxtına təhlükəsiz şəkildə enib. Uçuş heyəti və sərnişinlər arasında xəsarət alan yoxdur. Sərnişinlər başqa təyyarə ilə təyinat aeroportuna yola salınıb.