Bakı. Trend:
İsrail Hərbi Hava Qüvvələrinin qırıcıları Livanın paytaxtının cənubunda yerləşən Hizbullah şiə təşkilatının yeraltı obyektlərinə və anbarlarına azı səkkiz zərbə endirib.
Trend xəbər verir ki, gecə boyunca şəhərdə güclü partlayış səsləri eşidilib. Beyrutun cənubunda, Hizbullah tərəfdarlarının əsas qalası olan Şueifat ətrafında və Haret Horeik bölgəsi yaxınlığında yerləşən Əl-Amrousiya məhəlləsindəki yanacaq anbarı da daxil olmaqla, şiə birləşmələrinə aid obyektlər hədəf alınıb.
İsrail Hərbi Hava Qüvvələri hazırda paytaxtın səmasındadır və yerüstü hədəflərə hücumları davam etdirir.