Bakı. Trend:
Qabon Respublikasında keçirilən prezident seçkilərinin ilkin nəticələrinə əsasən, keçid dövrünün dövlət başçısı Bris Oliqi Nqema səslərin 90,35 faizini toplayaraq qalib gəlib.
Trend xəbər verir ki, bu barədə ölkənin daxili işlər naziri Erman İmmonqo məlumat verib.
Nqemanın əsas rəqibi, keçmiş baş nazir Alen-Clod Bili-Bi-Nze isə 3,02% səs toplaya bilib.
Qeyd olunur ki, səsvermədə seçki hüququ olanların 70%-dən çoxu iştirak edib və ümumilikdə seçkilər sakit şəraitdə keçib.