Bakı. Trend:
Rusiyada Başqırdıstanın Salavate şəhərində “Sveça” zavodunda güclü partlayış baş verib
Trend xəbər verir ki, bu barədə Rusiya FHN mətbuat xidməti məlumat yayıb.
Məlumata görə, qəza texnoloji prosesin pozulması nəticəsində - soba avadanlığının hermetiksizləşməsi nəticəsində meydana gəlib. Nəticədə yanğınla müşayiət olunan partlayış baş verib.
Hadisə nəticəsində yaralanan 3 nəfər xəstəxanaya çatdırılıb. Xilasedicilər dağıntılar altında qalan insanların axtarışını həyata keçirir. Zərərçəkənlərin dəqiq sayı barədə məlumat verilmir.