Bakı. Trend:
Sabah Yerdə zəif maqnit qasırğası olacaq.
Trend xəbər verir ki, bu barədə Rusiyanın “Fobos” hava xidmətinin aparıcı mütəxəsisi Mixail Leus öz "Telegram" kanalında yazıb.
“Cümə axşamı, sentyabrın 4-də, Moskva vaxtı ilə təxminən 22:15-də (Bakı vaxtı ilə 23:15) günəş diskinin mərkəzi yaxınlığında protuberans tullantısı baş verib, bunun nəticəsində bazar günü, sentyabrın 7-də Yerin geomaqnit sahəsinə təsir edə biləcək çox zəif koronal kütlə buraxılışı olub”, - deyə alim yazıb.
Sinoptikin sözlərinə görə, bu tullantı “planetə təsir etmək üçün əlverişli mövqedə yerləşən koronal dəlikdən çıxacaq sürətli günəş küləyi axını ilə üst-üstə düşə bilər”.
Bildirilir ki, bunun nəticəsində həftəsonu geomaqnit sahəsində pozuntular gözlənilir və bu, bəzən G1 sinfinə aid zəif maqnit qasırğaları səviyyəsinə çata bilər.