Bakı. Trend:
Braziliya hakimiyyəti ABŞ-nin Qəzza zolağında "Sülh Şurası"na qoşulmaq təklifinə rəsmi cavab verməzdən əvvəl Aİ liderləri ilə məsləhətləşmələr aparır.
Trend-in məlumatına görə, bu barədə "Folha de S. Paulo" qəzeti xəbər verib.
Məlumata əsasən, ölkə prezidenti Luis İnasio Lula da Silva xarici işlər naziri Mauro Vieyraya Ağ Ev prezidenti Donald Trampın son təşəbbüsü ilə bağlı Aİ-nin mövqeyini müəyyən etmək üçün avropalı həmkarları ilə əlaqə saxlamağı tapşırdı.
Qeyd edilib ki, Braziliya təkbaşına qərar verməkdən çəkinir. Əgər əsas Aİ ölkələri yeni strukturda iştirak etməyə razılıq verərsə, Braziliya da dəvəti qəbul edəcək. Lakin, Avropa "Sülh Şurasını" boykot etmək qərarına gələrsə, Braziliyanın tam beynəlxalq təcrid riski olmadan imtina etmək üçün tutarlı arqumenti olacaq.