Bakı. Trend:
Amerika Birləşmiş Ştatlarının Arizona ştatının Flaqstaff şəhərində helikopter qəzaya uğrayıb.
Trend bu barədə Amerika KİV-ə istinadən xəbər verir.
İnsident nəticəsində helikopterin pilotu və bir polis əməkdaşı həlak olub.
Məlumata görə, helikopter çağırış üzrə hadisə yerinə gəlmiş polis əməkdaşlarına havadan taktiki dəstək göstərirdi.
Polislər zərərçəkmişi dindirən zaman şübhəli şəxs evin damından atəş açıb. Təxminən iki saat davam edən atışma zamanı hücumçu yaralanıb və sonradan saxlanılıb.
Hüquq-mühafizə orqanları şübhəli şəxsin helikopterə də atəş açma versiyasını da istisna etmirlər. Lakin bu məlumat hələlik təsdiqlənməyib.