Bakı. Trend:
Yaponiyada son 3 həftə ərzində güclü qar səbəbindən azı 46 nəfər həyatını itirib.
Trend bu barədə xarici KİV-ə istinadən xəbər verir.
Qeyd olunur ki, soyuqlarla əlaqədar daha 558 nəfər xəsarət alıb.
Güclü qar yağışı Yaponiyanın şimal rayonlarında yanvarın 20-də başlayıb. Əlverişsiz hava şəraiti bütün ölkə boyunca nəqliyyatın hərəkətində ciddi problemlərə yol açıb.
Yerli meteorologiya xidmətinin məlumatına görə, Honsyu adasının şimalında yerləşən Aomori şəhərində qar qalaqlarının qalınlığı bəzi yerlərdə 1,3 metrə çatır.