Bakı. Trend:
ABŞ-nin 12 ədəd "F-22" qırıcı təyyarəsi İsrailin cənubundakı hava bazasına eniş edib.
Trend-in məlumatına görə, bu barədə İsrailin "Kan" radiosu xəbər verib.
Məlumata əsasən, "F-22" qırıcıları ABŞ-nin Yaxın Şərqdəki yerləşdirməsi çərçivəsində İsrailə göndərilib.
“The Washington Post” (WP) qəzetinin daha əvvəl peyk görüntülərinə və uçuş məlumatlarının təhlilinə istinadən verdiyi məlumatına əsasən, ABŞ 17 fevralda Cenevrədə Vaşinqton və Tehran arasında aparılan danışıqlardan sonra İran yaxınlığında hərbi mövcudluğunu artıraraq Avropa və Yaxın Şərqdəki bazalara 150-dən çox təyyarə yerləşdirib.