Azərbaycan, Bakı, 22 mart /Trend/
Müğənni Şakira "Facebook" sosial şəbəkəsində ən çox "bəyənmə" qazanan istifadəçi kimi tanınıb.
Trend-in İTAR-TASS-a istinadən verdiyi məlumata görə, 86 milyondan çox istifadəçi kolumbiyalı müğənninin səhifəsini bəyənib. Bu, müğənni Rihannanın nəticəsindən 2 milyon "like" çoxdur.
Şakiranın məlumata münasibəti isə belə olub: "Facebook"da ən çox dostu olan mənəm. Hələ də buna inana bilmirəm".
Qeyd edək ki, Şakira "Barselona"nın futbolçusu Xerard Pike ilə evlidir. Cütlüyün Milan adlı bir oğlu var.