Bakı. Trend:
Metropoliten Operanın Fransa bəstəkarı, Kamil Sen Sansın məşhur “Samson və Dalila” operası "Park Cinema Fleym Tauers"də numayiş olunub.
ABŞ Səfirliyindən Trend-ə verilən məlumata görə, bu tamaşa Metropolitan Operanın (MET) 2018-2019-cu illər mövsümünün “HD ilə canlı” proqramını Azərbaycanda açıq elan edir.
Nyu York şəhərində yerləşən Metropoliten Opera tamaşalarının dünya üzrə nümayişi ənənəsi 2006-cı ildən başlayıb, layihədə 70 ölkə iştirak edib. Bu il 2 200-dən çox teatr layihəyə qatılıb. MET-in peşəkar tamaşaları hər yerdə yeni tamaşaçılara təqdim olunur.
Məşhur opera çox sayda ölkələrdə numayiş olunur. MET-in təsirli “Samson və Dalila” tamaşası məşhur opera ulduzlarının iştirakı ilə qurulub: Elina Qarança – Dalila, Robero Alaniya – Samson və azərbaycanlı Elçin Əzizov - Abimeleç rollarinda çıxış edirlər.
Nümayiş "Park Cinema" şəbəkəsi və Sıx əlaqələr Sənət Assosasiyasının və Bakıdakı ABŞ Səfirliyinin dəstəyi ilə təqdim olunur.
