...

MÜSİAD Böyük Britaniya rəhbəri Azərbaycan səfiri Elin Süleymanovla görüşüb (FOTO)

Gündəm Materials 26 Yanvar 2023 19:46 (UTC +04:00)
MÜSİAD Böyük Britaniya rəhbəri Azərbaycan səfiri Elin Süleymanovla görüşüb (FOTO)

Bakı. Trend:

Müstəqil Sənayeçi və İş Adamları Dərnəyi (MÜSİAD) Böyük Britaniya rəhbəri Murat Bingöl Azərbaycan Respublikasının Böyük Britaniyadakı səfiri Elin Süleymanovla görüşüb.

Bu barədə Trend-ə MÜSİAD-dan daxil olan məlumatda bildirilib.

Qeyd olunub ki, görüş zamanı Azərbaycan iş adamları ilə türk iş adamlarını İngiltərədə bir araya gətirəcək birgə layihələrin hazırlanması məsələsi müzakirə olunub. Azərbaycanın neft ticarəti ilə yanaşı, müxtəlif sektorlarda da müxtəliflik nümayiş etdirməli olduğunu deyən səfir Elin Süleymanov bu istiqamətdə MÜSİAD ilə əməkdaşlığa dəyər verdiyini bildirib.

Görüş zamanı MÜSİAD Böyük Britaniya rəhbəri M.Bingöl səfir E.Süleymanova MÜSİAD Azərbaycan idarə heyətinin sədri Rəşad Cabirlinin salamlarını çatdırıb və KOBİA ilə əməkdaşlıq çərçivəsində Bakıda keçirilən İBF-nin 25-ci iclasının müsbət dinamikasını xüsusilə vurğulayıb.

Məqalədə:
Xəbər lenti

Xəbər lenti