Bakı. Trend:
Türkiyə Milli Müdafiə Nazirliyi İraq hakimiyyəti ilə terrorizmlə mübarizə tədbirlərinin sıx şəkildə əlaqələndirildiyini bildirib.
Trend-in məlumatına görə, bu barədə Türkiyə Milli Müdafiə Nazirliyi bildirib.
Məlumata əsasən, Türkiyə Silahlı Qüvvələrinin 2-ci Ordu komandanı, general Metin Tokelin rəhbərlik etdiyi nümayəndə heyəti İraq rəsmiləri ilə görüş keçirib.
“Görüş İraqın şimalındakı Pəncə-Kilid antiterror əməliyyatı zonasında keçirilib. İraq vətəndaşlarının təhlükəsizliyinin təmin edilməsi ilə bağlı əlavə tədbirlərin görülməsi məsələlərinə xüsusi diqqət yetirilib”, - deyə Türkiyə Müdafiə Nazirliyindən bildirilib.
İraqın şimalında Türkiyə Silahlı Qüvvələrinin antiterror əməliyyatları, həmçinin Türkiyə sərhədində terror təhdidlərinə qarşı mübarizə istiqamətində fikir mübadiləsi aparılıb.