Azərbaycan, Bakı, 31 mart /Trend, müxbir K.Zərbalıyeva/
Dünən respublikada daxili işlər orqanları tərəfindən gün ərzində 55 cinayət faktı qeydə alınıb.
Daxili İşlər Nazirliyinin mətbuat xidmətindən Trend-ə verilən məlumata görə, qeydə alınan cinayətlərdən 29-u isti izlərlə açılıb.
Həmçinin ötən günlərdən bağlı qalmış 1 cinayətin üstü açılıb.
Həyata keçirilən tədbirlər zamanı Cinayət Məcəlləsinin müxtəlif maddələri ilə axtarılan 16 nəfər tutularaq istintaq orqanlarına təhvil verilib.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 12, qanunsuz saxlanılan silah-sursatla bağlı 2 fakt müəyyən edilib.
Cinayət törətdiklərinə görə 42 nəfər tutulub.
Ötən gün respublikanın avtomobil yollarında 2 yol nəqliyyat hadisəsi baş verib, nəticədə 8 nəfər yaralanıb. Ölkədə 9 yanğın hadisəsi qeydə alınıb.