Azərbaycan, Bakı, 2 iyun /Trend/
Qubada avtobus minik avtomobili ilə toqquşub.
Fövqəladə Hallar Nazirliyindən Trend-ə verilən məlumata görə, Quba şəhərində "VAZ" markalı minik avtomobili və mikroavtobusun toqquşması nəticəsində minik avtomobilindəki 4 sərnişin yaralanıb.
Hadisə yerinə cəlb edilmiş xilasedicilər təhlükəsizlik qaydalarına riayət etməklə yaralıları deformasiyaya uğramış nəqliyyat vasitəsindən çıxarıb və aidiyyəti üzrə təhvil verib.
Qəzanın səbəbləri araşdırılır.