Azərbaycan, Bakı, 8 iyun / Trend, müxbir K.Zərbalıyeva/
Yardımlıda ağır yol qəzası olub, xəsarət alanlar var.
Respublika Baş Dövlət Yol Polisi İdarəsindən Trend-ə verilən məlumata görə, Yardımlı şəhəri, Heydər Əliyev küçəsində "Ford" tranzit avtomobili ilə "VAZ 2121" markalı minik avtomobili toqquşub.
Qəzada minik avtomobilində olan 3 nəfər müxtəlif dərəcəli bədən xəsarəti alıb.
Faktla bağlı cinayət işi başlanıb.
İdarədən bildirilib ki, ötən gün respublikanın avtomobil yollarında 19 yol qəzası qeydə alınıb. Qəzalarda 5 nəfər ölüb, 20 nəfər xəsarət alıb.