Azərbaycan, Bakı, 27 fevral /Trend müxbir T.Cəfərov/
Ötən ay Azərbaycan sərhədçiləri tərəfindən tutulan üç iranlı balıqçı ötən gün azadlığa buraxılıb.
Bu barədə Trend-ə İranın Azərbaycandakı səfirliyinin mətbuat xidmətinin rəhbəri Məhəmməd Ayətullahi deyib.
Mətbuat xidmətinin rəhbərinin sözlərinə görə, balıqçılar fevralın 26-da Astara sərhəd-keçid məntəqəsində İran tərəfinə təhvil veriliblər.
Ayətullahi qeyd edib ki, dənizdə hava tufanlı olduğuna görə, ötən ay 3 iranlı balıqçı su sərhədini səhvən qanunsuz olaraq keçdikləri üçün Azərbaycan sərhədçiləri tərəfindən saxlanılmışdılar.