Azərbaycan, Bakı, 4 oktyabr /Trend, müxbir İlkin İzzət/
Bakıda kirayənişin kişi otaq yoldaşını bıçaqlayıb.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, oktyabrın 4-də Bakının Xətai rayonunda bıçaq xəsarəti almış Rövşən Edilxanov Kliniki Tibbi Mərkəzə yerləşdirilib.
Keçirilən əməliyyat tədbirləri nəticəsində, hadisəni törətməkdə şübhəli bilinən, zərərçəkmişlə birgə R.Bağırov küçəsindəki mənzildə kirayədə yaşayan Rəşad Novruzov Xətai Rayon Polis İdarəsi 37-ci Polis Bölməsinin əməkdaşları tərəfindən tutulub.
Qeyd edək ki, R.Novruzov əvvəllər məhkumluq həyatı yaşayıb.
Faktla bağlı araşdırma aparılır.