Bakı. Trend:
Tel-Əviv aeroportunda reyslərin həyata keçirilməsində gecikmələr yaranıb.
Trend-in məlumatına görə, buna səbəb aeroportun yerləşdiyi rayonun ərazisində baş vermiş yanğın olub.
David Ben-Qurion adına aeroport yaxınlığında quru otların yanması nəticəsində güclü tüstülənmə baş verib. Hadisə yerinə yanğınsöndürənlər cəlb edilib.
Meteoroloqlar isə İsraildə artıq bir neçə gündür ki, davam edən isti-quru havanın hələ davam edəcəyini proqnozlaşdırıblar.