Bakı. Ləman Zeynalova - Trend:
Avstraliyalı deputat Con Aleksandr ikili vətəndaşlığı olmaqda şübhəli bilinir və əgər bu sübut olunarsa, bu amil baş nazir Con Törnbull hökuməti üçün təhlükəli ola bilər.
Trend-in məlumatına görə, bu barədə Avstraliyanın “news.com.au” saytındakı məqalədə yazılıb.
Məqalədə qeyd olunur ki, millət vəkilinin atası XX əsrin əvvəllərində Avstraliyadan Böyük Britaniyaya miqrasiya edib: “Avstraliya vətəndaşlığı yalnız 1949-cu ildə, Con Aleksandr dünyaya gəlməmişdən iki il əvvəl təsis edilib”.
Müəlliflər bildirir ki, Avstraliya Ali Məhkəməsi C.Aleksandrın 2016-cı ildə parlamentə seçilməsini etibarsız hesab edərsə, ondan boşalan kürsüyə əlavə seçkilər keçiriləcək.
Qeyd edək ki, C.Aleksandr Azərbaycan əleyhinə çıxışları ilə və Ermənistanın işğal siyasətinin qatı dəstəkçisi kimi tanınır.
