...

İƏT-in Baş Katibi: Ermənistan rəhbərliyinin bəyanatı regional sülh və təhlükəsizliyə hədədir

Ermənistan-Azərbaycan münaqişəsi Materials 20 Sentyabr 2019 13:41 (UTC +04:00)
İslam Əməkdaşlıq Təşkilatının (İƏT) Baş Katibi Ermənistan baş nazirinin 5 avqust 2019-cu il tarixli bəyanatı ilə bağlı dərin narahatlıq ifadə edib.
İƏT-in Baş Katibi: Ermənistan rəhbərliyinin bəyanatı regional sülh və təhlükəsizliyə hədədir

Bakı. Elçin Mehdiyev - Trend:

İslam Əməkdaşlıq Təşkilatının (İƏT) Baş Katibi Ermənistan baş nazirinin 5 avqust 2019-cu il tarixli bəyanatı ilə bağlı dərin narahatlıq ifadə edib.

Trend-in məlumatına görə, İƏT Baş Katibi Yusef bin Ahmad Al-Otaimin Ermənistan baş nazirinin Azərbaycanın işğal olunmuş ərazilərinə bu ilin 5 avqustunda səfər edərək orada səsləndirdiyi bəyanatı ilə bağlı dərin narahatlığını ifadə edən açıqlama ilə çıxış edib.

Baş katib Ermənistan rəhbərliyinin bu bəyanatı və Azərbaycan Respublikasının suverenliyi və ərazi bütövlüyünü pozan əməllərinin beynəlxalq hüququn prinsiplərinə və beynəlxalq ictimaiyyətin möqeyinə məhəl qoymadığını və regional sülh və təhlükəsizliyə hədə təşkil etdiyini qeyd edib. O, münaqişənin sülh yolu ilə həlli üzrə BMT və İƏT Nizamnamələrinin müddəalarına, Helsinki Yekun Aktına, BMT TŞ-nin 1993-cü il tarixli qətnamələrinə, İƏT-in müxtəlif qətnamələrinə istinad edərək, Ermənistan Respublikasını münaqişənin sülh yolu ilə həlli üçün BMT TŞ-nin müvafiq qətnamələri əsasında Azərbaycan Respublikası ilə sülh danışıqlarına çağırıb.

Məqalədə:
Xəbər lenti

Xəbər lenti