Azərbaycan, Bakı, 26 sentyabr / Trend , Ü.Sadıxova/
Suriya və Türkiyənin yaxınlaşması Livana və onu Səudiyyə Ərəbistanından olan müttəfiqlərinə Livan hökumətinin formalaşdırılmasını asanlaşdırmağa kömək edə bilər, Beyrut Strateji Araşdırmalar Mərkəzinin rəhbəri Muhəmməd Nurəddin hesab edir.
Çərşənbə günü Suriya prezidenti Bəşər əl-Əsəd Səudiyyə Ərəbistanına elan edilməmiş səfər edib. Orada əl-Əsəd müstəqil krallığın 79-cu il dönümü şərəfinə keçirilmiş tədbirlərdə iştirak edib.
Səfər Ər-Riyad və Dəməşqin yaxınlaşması üçün vacib addımdır. Hər iki ölkə regional siyasət üzrə, xüsusən də Livandakı vəziyyət ətrafında ciddi fikir ayrılığına malikdirlər.
Livanın əl-Əxbar qəzeti məlumat verib ki, əl-Əsəd səfər zamanı Livanda keçid hökumətinin baş naziri, antisurtiya koalisiyasına daxil olan Fuad əs-Sinorla görüşüb.
Əl-Əsədin, Türkiyə prezidenti Abdulla gülün Ciddədə Səudiyyə kralı II Abdulla ilə danışıqlarından dərhal sonra baş tutan səfəri Livanda çoxluğun sünni koalisiyasına ölkədə hökuməti formalaşdırmağa kömək cəhdi kimi qarşılanır, Trend -a telefonla Beyrutdan Livan Universitetinin Türkiyə üzrə professoru Nurəddin deyib.
Onun sözlərinə görə, əl-Əsədin səfəri Suriyanın son aylarda yaxınlaşdığı Türkiyənin vasitəçiliyi ilə baş tutub. Ankaranın Livanın səudiyyəyönümlü və sünniyönümlü blokları ilə əməkdaşlığını nəzərə alsaq, Türkiyə və Suriyanın yaxınlaşması çoxluq koalisiyasının hökuməti formalaşdırmaq prosesini sadələşdirməyə kömək edəcək, Nurəddi deyib.
"Türkiyənin üstünlüyü ondan ibarətdir ki, ona Livanın bütün siyasi strukrturları etibar edir, - Nurəddin deyib. - Səudiyyə ərəbistanından fərqli olaraq, o (Türkiyə) şəxsi maraqlarını güdmür və Suriyanın etdiyi kimi siyasi vəziyyətə birbaşa təsir göstərmir".
Türkiyə Səudiyyə Ərəbistanı və Suriyanı yaxınlaşdırmağa müvəffəq olsa, bu, Livan üçün sabit hökuməti formalaşdırmağa yaxşı şans olacaq.
Dəməşq tarixən Livan müxalifətinin özəyini təşkil edən "Hizbullah" partiyasını dəstəkləyir.
Qərbyönlü "14 mart" blokunun qalib gəldiyi iyun seçkilərindən sonra ölkə prezidenti kabinetin formalaşdırılmasını "Əl-Müstəqbəl" sünni koalisiyasının lideri, Ər-Riyadın dəstəyindən yararlanan Səad əl-Həririyə tapşırıb.
Cümə günü əl-Həriri yeni hökumətin formalaşdırılması barədə məsləhətləşmələrin növbəti mərhələsinə başlayıb. Bir müddət əvvəl "Hizbullah"dan başqa parlament spikerinin "Amal" partiyası və sabiq prezident Mişel Aunun da daxil olan "8 mart" müxalif bloku əl-Həririnin nazirlər kabinetinin tərkibini baykot edib.
Nurəddin hesab edir ki, əl-Əsədin səfəri Səudiyyə Ərəbistanı üçün siqnaldır ki, Suriya türkiyənin dəstəyi və məsləhəti ilə Livan hökumətinin formalaşdırılması prosesini asanlaşdırmağa hazırdır.
Əl-Əsədin Səudiyyə kralının Dəməşqə gəlməsindən imtina etməsindən sonra Ciddəyə səfər etməsi faktı onu göstərir ki, Suriya müxalifəti Livanda hazırkı siyasi proseslərdə daha mülayim olacaqlar, Livan professoru deyib.
Keçən həftə Suriya və Türkiyə baş nazirlər səviyyəsində strateji tərəfdaşlıq barədə müqavilə imzalayıblar. Müqaviləyə əsasən, hər iki ölkə yaxın Şərqdəki vəziyyətə dair əməkdaşlığı genişləndirirlər.
Nurəddinin fikrincə Türkiyə ilə yaxınlaşma hər şeydən əvvəl, Suriyaya Yaxın Şərqdə diplomatik çəkisini artırmağa kömək edəcək. Lakin bu o demək deyil ki, Suriya rejimi ərəb dünyasının sünni və qərb yönümlü bloku ilə yaxınlaşacaq.
Livanda siyasi sabitsizlik ətrafında fikir ayrılığından başqa, Səudiyyə Ərəbistanı Suriyanı Dəməşqdə Fələstinin Həmas müqavimət hərəkatının liderlərindən birinin yaşadığını nəzərə alaraq Fələstin fraksiyalarının barışıq prosesini dağıtmaqda ittiham edir, eləcə də Dəməşqin İranla, ərəb dünyasının əksəriyyət ölkələri ilə yaxşı əlaqələri dəstəkləməyən birliyini tənqid edir.
