Azərbaycan, Bakı, 10 aprel /Trend, müxbir A.Tağıyeva/
Terrorçu Kürd Fəhlə Partiyasının (PKK) Suriya vətəndaşı olan yaraqlılarının böyük hissəsi Türkiyə ərazisini tərk edərək Suriyanın şimalına keçib. Trend-in məlumatına görə, bu barədə çərşənbə axşamı Türkiyənin Baş naziri Rəcəb Tayyıb Ərdoğanın çıxışına istinadən "Hürriyyət" qəzeti xəbər yayıb.
Baş nazirin sözlərinə görə, PKK yaraqlılarının müəyyən hissəsi Türkiyədən Suriyanın şimal ərazilərinə köçürüləcəklər.
Xatırladaq ki, bir müddət əvvəl PKK-nın həbsdə olan lideri Abdullah Öcalan təşkilatın üzvlərini təslim olmağa və ölkənin ərazisini tərk etməyə çağırıb.
Türkiyə höküməti isə öz növbəsində, təslim olan PKK yaraqlılarının ölkədən təhlükəsiz çıxışı üçün şərait yaradacağına söz verib.