Azərbaycan, Bakı, 27 sentyabr /Trend, müxbir A.Tağıyeva/
Suriyada radikalizm, dözümsüzlük və məzhəblərarası toqquşmaların yayılmasının səbəbkarı Əsəd rejimidir. Trend-in "Anadolu" agentliyinə istinadən verdiyi məlumata görə, bunu Türkiyənin xarici işlər naziri Əhməd Davudoğlu deyib.
Onun sözlərinə görə, Suriyada radikalizmin yayılmasının əsas səbəbkarı Prezident Bəşşar Əsəd rejimidir: "Çünki belə ideyaların yayılması Suriya rejiminə xidmət edir".
Ə.Davudoğlu bildirib ki, Türkiyədə suriyalı qaçqınların sayı daim artır və BMT-nin proqnozlarına görə, bu ilin sonuna onların sayı 1 milyona çata bilər.