Azərbaycan, Bakı, 13 noyabr /Trend/
ABŞ Prezidenti Barak Obama və Böyük Britaniyanın Baş naziri Devid Kemeron telefon danışığı zamanı Cenevrədə Suriya və İran üzrə danışıqların davam etdirilməsini dəstəkləyiblər. Bu barədə Trend RİA Novosti-yə istinadən xəbər verir.
Ağ Evin məlumatına görə, Prezident və Baş nazir "altılığ"ın İran üzrə vahid təklifini dəstəklədiklərini təsdiq ediblər və növbəti raunddan gözləntilərini müzakirə ediblər.
Liderlər, həmçinin Suriya üzrə "Cenevrə-2" konfransının keçirilməsini dəstəkləyib və Suriya Milli Koalisiyasının bu tədbirdə iştirak barədə qərarını alqışlayıblar.