Azərbaycan, Bakı, 19 noyabr /Trend, müxbir Səbinə Əhmədova/
ABŞ-ın Azərbaycandakı səfirliyi vizaların verilməsi ilə bağlı yaranan problemə aydınlıq gətirib.
Səfirliyin mətbuat xidmətindən Trend-ə bildirilib: "ABŞ-ın Azərbaycandakı səfirliyi adi iş rejimində fəaliyyətini davam etdirir. Konsulluq Xidməti tərəfindən vizanın verilməsi ilə bağlı hər hansı bir problem yoxdur".
Qeyd edək ki, Rusiyanın TASS informasiya agentliyi xəbər vermişdi ki, ABŞ-ın bütün ölkələrdəki səfirlik və konsulluq şöbələri vizaların verilməsində ləngiməyə səbəb ola biləcək texniki problemlər yaşayır.