Bakı. Trend:
Azərbaycan nümayəndə heyəti Özbəkistanın mərhum Prezidenti İslam Kərimovun dəfn mərasimində iştirak etmək üçün Səmərqəndə yola düşüb.
Trend-in məlumatına görə, nümayəndə heyətinə Milli Məclisin sədri Oqtay Əsədov rəhbərlik edir.
Nümayəndə heyətinə, həmçinin Qafqaz Müsəlmanları İdarəsinin (QMİ) sədri Allahşükür Paşazadə, xarici işlər nazirinin müavini Xələf Xələfov və digər rəsmilər daxildir.
Qeyd edək ki, İ.Kərimov sentyabrın 2-də vəfat edib.