...

Emoməli Rəhmon: Prezident İlham Əliyevin yüksək peşəkarlığı Azərbaycanın beynəlxalq nüfuzunun artmasına daim şərait yaradır

Siyasət Materials 24 Dekabr 2017 11:02 (UTC +04:00)
Tacikistan Prezidenti Emoməli Rəhmon Azərbaycan Prezidenti İlham Əliyevə təbrik məktubu ünvanlayıb.
Emoməli Rəhmon: Prezident İlham Əliyevin yüksək peşəkarlığı Azərbaycanın beynəlxalq nüfuzunun artmasına daim şərait yaradır

Bakı. Trend:

Tacikistan Prezidenti Emoməli Rəhmon Azərbaycan Prezidenti İlham Əliyevə təbrik məktubu ünvanlayıb.

Təbrikdə deyilir: "Hörmətli İlham Heydər oğlu. Doğum gününüz münasibətilə səmimi təbriklərimi və ən xoş arzularımı qəbul edin.

Sizin yüksək peşəkarlığınız və dövlət başçısı vəzifəsində Azərbaycan cəmiyyətinin geniş dəstəyinə əsaslanan qurucu siyasətiniz dost Azərbaycanın daha da firavanlaşmasına və onun beynəlxalq nüfuzunun artmasına daim şərait yaradır.

Biz Tacikistan ilə Azərbaycan arasında əldə edilmiş siyasi etimadın və qarşılıqlı fəaliyyətin yüksək səviyyəsinə, ali səviyyədə dialoqun davam etdirilməsinə Sizin böyük töhfənizi də görür, onların ardıcıl olaraq möhkəmləndirilməsini mühüm amil hesab edirik.

Əmin olduğumu bildirirəm ki, xalqlarımızın rifahı naminə iki ölkə arasında dostluq və qarşılıqlı faydalı əməkdaşlıq münasibətləri bizim birgə səylərimiz sayəsində bundan sonra da inkişaf edəcəkdir.

Hörmətli İlham Heydər oğlu, bu əlamətdar gündə Sizə möhkəm cansağlığı, xoşbəxtlik və ali dövləti fəaliyyətinizdə yeni uğurlar, qardaş Azərbaycan xalqına isə sülh və tərəqqi arzu edirəm".

Məqalədə:
Xəbər lenti

Xəbər lenti