Bakı. Trend:
Ukraynanın birinci xanımı Olena Zelenska "Instagram"dakı rəsmi səhifəsində Qobustan Dövlət Tarixi-Bədii Qoruğunun da qeyd olunduğu paylaşım edib.
Trend-in məlumatına görə, o yazıb ki, 32 ölkədə 50 ukraynadilli audio-bələdçi işə düşüb.
"Bu 50 mədəni və tarixi əhəmiyyətli məkanda Ukrayna dili səslənir. Azərbaycan, "Qobustan" tarixi-bədii qoruğu. 6 mindən çox qayaüstü rəsmin aşkar olunduğu unikal yer. Planetdə incəsənətin yarandığı ilk məkanlardan biri", - Ukraynanın birinci xanımı yazıb.
