Avropa İttifaqının maliyyələşdirdiyi və BMT-nin İnkişaf Proqramının icra etdiyi "Cənubi Qafqazda Narkotiklərə Nəzarət" Regional Yardım Proqramının 4-cü mərhələsi (SCAD II) icra olunmaqdadır. Trend məlumat verir ki, SCAD II layihəsinin fəaliyyət istiqamətlərindən biri Azərbaycan Respublikasında sərhəd nəzarətini gücləndirməklə narkotiklərin qanunsuz dövriyyəsinin və qaçaqmalçılığın qarşısının alınması ilə bağlı mübarizə işini daha da təkmilləşdirməkdən ibarətlir.
Sərhəd Ərazilərində Narkotiklərə Nəzarət layihəsi çərçivəsində H.Əliyev adına Beynəlxalq Hava Limanında sərhədlərimizin mühafizəsi üzrə xidmət göstərən hüquq-mühafizə orqanları rəhbərlərinin sentyabr ayının 4-dən 11-ə kimi Böyük Britaniya və Şimali İrlandiya Birləşmiş Krallığının paytaxtı London şəhərində tanışlıq xarakterli səfəri həyata keçirilməkdədir.
Səfərin təşkil olunmasında məqsəd Avropa metodologiyası, xüsusən Böyük Britaniya və Şimali İrlandiya Birləşmiş Krallığının sərhəd mühafizəsi sahəsində qazandığı təcrübəyə yaxından yiyələnməkdir. Eyni zamanda tədbirlərdə məlumat mexanizminin təkmilləşdirilməsi və əməkdaşlığın daha da yaxşılaşdırılması istiqamətində fikir mübadiləsi aparılır.
_1.jpg)
.jpg)
