"Gənclər islam dini haqqında kifayət qədər maarifləndirilməlidir. Onların islam haqqıda məlumatsızlığı müxtəlif təriqətlərə qoşulmalarına gətirib çıxarır". Bu fikri Gəncə şəhər İcra Hakimiyyətinin başçısı Eldar Əzizov Gəncə Dövlət Universitetində keçirilən "Müasir Cəmiyyət və İslam" mövzusunda keçirilən elmi praktik konfransda söyləyib. Tədbiri şəhər İcra Hakimiyyəti ilə universitet birgə təşkil edib.
Trend bildirir ki, konfransda Dini Qurumlarla İş üzrə Dövlət Komitəsinin Qərb regionu üzrə şöbə müdiri Firdovsi Kərimov, Bakı və Xəzəryanı Yeparxiyasının rəhbəri Aleksandr Vladuka və şəhər içtimayətinin nümayəndələri iştirak edib.
Konfransda bildirilib ki, tədbirdə söylənilən fikirlər barədə referatlar hazırlansın və onlardan maarifləndirici vasitə kimi istifadə olunsun.
Yığıncaqda həmçinin Gəncə Dövlət Universitetinin rektoru Mübariz Yusifov "Quran dünyəvi bir kitab kimi" mövzusunda çıxış edib. Daha sonra Dini Qurumlarla iş üzrə komitənin Qərb regionu üzrə şöbə müdiri Firdovsi Kərimov "Din yüksək mənəviyyat yoludur"mövzusunda məruzə edib. Tədbirdə çıxış edənlər "Nurçuluq və onun mahiyyəti", "Iəhabilik və onun mahiyyəti", "İslamda cərəyanlar və təriqətlər", "İslamda terrora və ekstremizmə münasibət" və digər mövzulara toxunublar.
