Gəncə Elektrik Şəbəkəsi qış mövsümünə hazırdır. Bu barədə məlumatı Trendə şəbəkənin mətbuat xidmətindən veriblər. Məlumata görə, mövsümə hazırlıq işləri artıq başa çatıb. Bu məqsədlə Gəncə şəhər Elektrik şəbəkəsində 110 min YAM vəsait sərf olunub.
Yay aylarından başlanan hazırlaq işləri zamanı şəbəkə tərəfindən 20 ədəd 110-35-6 və 9 ədəd 35-10-6 kilovoltluq yarımstansiya əsaslı şəkildə təmir olunub. Həmçinin Gəncə şəhərində 6-10 kilovoltluq gücə malik 2 ədəd transformator quraşdırılıb, 52 ədəd isə 10-6/0,4 kilovoltluq transformator təmir olunaraq istifadəyə verilib. 6-10 kilovoltluq 1030 metr yeni elektrik xətti çəkilib.
Şəbəkənin mətbuat xidmətinin rəhbəri Rafiq Abbasov bu müddət ərzində 34 837 metr izolə olunmuş SİP elektrik xəttinin də çəkildiyi bildirdi.
Müsahib onu da qeyd etdi ki, elektrik enerjisindən istifadə edən təxminən 82 faiz abonent sayğacla təmin olunub.