Azərbaycan, Bakı / Trend müxbir E.Hüseynli/ Azərbaycan Milli İstiqlal Partiyasının (AMİP) lideri Etibar Məmmədov çərşənbə günü bəyan edib ki, partiya rəhbərliyinin fəaliyyəti onu qane etmir. Məmmədov Trend ə eksklüziv açıqlamasında AMİP-in siyasi fəallığa nail olmamasından təəssüflənib və heç kimin bu fəaliyyətdən razı olmadığını bildirib.
"Vəziyyətin yaxşı olmamasından hamı şikayətlənir, ancaq siyasilər kimdənsə hansısa hərəkət gözləyirlər. Bu isə normal yanaşma deyil" - deyə Məmmədov bildirib.
AMİP lideri bildirib ki, siyasi fəallığı olmayan müxalifət seçkilərdən kənarda qalacaq.