...

Dinlərarası dialoq üçün, ilk növbədə, məzhəblər arasında vahid mövqe olmalıdır - İranın Məzhəblərarası Yaxınlaşma Komitəsinin rəhbəri

Cəmiyyət Materials 6 Noyabr 2009 16:44 (UTC +04:00)
"Məzhəblər arasında vahid bir mövqe olmalıdır, onlar arasında vahid mövqe olduqdan sonra dinlərarası dialoq aparmaq olar. Fikrimcə, məzhəblərarası dialoq dinlərarası dialoqdan əvvəl aparılmalıdır", - Şeyx Məhəmməd Əli Təsxiri deyib.
Dinlərarası dialoq üçün, ilk növbədə, məzhəblər arasında vahid mövqe olmalıdır - İranın Məzhəblərarası Yaxınlaşma Komitəsinin rəhbəri

Trend-i buradan izləyin

Azərbaycan, Bakı, 06 noyabr / Trend , müxbir T.Cəfərov/

İran İslam Respublikasının Məzhəblərarası Yaxınlaşma Komitəsinin rəhbəri bildirib ki, məzhəblərarası dialoqun təşkil olunması zəruridir. "Məzhəblər arasında vahid bir mövqe olmalıdır, onlar arasında vahid mövqe olduqdan sonra dinlərarası dialoq aparmaq olar. Fikrimcə, məzhəblərarası dialoq dinlərarası dialoqdan əvvəl aparılmalıdır", - Şeyx Məhəmməd Əli Təsxiri deyib.

Bütün Qafqaz müsəlmanlarının dini lideri Şeyxülislam Allahşükür Paşazadənin yubileyi ilə əlaqədar Bakıda səfərdə olan İran İslam Respublikasının Məzhəblərarası Yaxınlaşma Komitəsinin rəhbəri Şeyx Məhəmməd Əli Təsxiri noyabrın 6-da Trend -a müsahibəsində bildirib ki, "Quran"da dialoqların təşkili üçün ən gözəl və yaxşı nəzəriyyə insanlara bildirilib və məntiqli danışıqlar aparmağın yolları açıqlanıb. "İslam dini dialoq aparmağı təsdiqləyir və həmin danışıqların məntiqli olmasını təkidlə istəyir. Məzhəblər bir-birlərini, öz aralarındakı oxşar və yaxın mövqeləri tanımalıdırlar", - deyə Təsxiri deyib.

Onun fikrincə, məzhəblər arasında yaxın mövqelər olduğu kimi, dinlər arasında da bu var. "Bütün dinlər arasında oxşar və yaxın mövqelər çoxdur. İlk növbədə, bu yaxınlıq öyrənilməli və bu istiqamətdə əməkdaşlıq aparılmalıdır", - Təsxiri deyib.

Təsxiri Qərb ölkələrində islamafobiyanın yaranmasında siyasi, tarixi və dini amillərin olduğunu qeyd edib və həmin ölkələrdə yaşayan müsəlmanların islamafobiya ilə mübarizədə rolunun əhəmiyyətindən danışıb. "İslamafobiyanın yaranmasında siyasi, tarixi və dini amillər var. Qərb ölkələrində yaşayan hər bir müsəlman öz əməlləri ilə bu qorxunu aradan qaldırmalıdır. Onlar Qərb ölkələrində yaşayan vətəndaşlara İslam dininin məhəbbət, dialoq, sülhsevər din olduğunu, terrorizm və zorakılıqla heç bir əlaqəsi olmadığını göstərməlidirlər", - deyə Təsxiri deyib.

Xəbər lenti

Xəbər lenti