Azərbaycan, Bakı, 6 avqust /Trend, müxbir İ.İsabalayeva/
Arxeologiya və Etnoqrafiya İnstitutu Şamaxı-Ağsu Arxeoloji Ekspedisiyası üçün yeni internet sayt yaradıb.
İnstitutdan şənbə günü Trend-ə verilən məlumata görə, saytda ekspedisiyanın gördüyü işlər, üzvləri haqqında ətraflı məlumat, Şamaxı rayonu ərazisində yerləşən Gülüstan qalasında aparılan qazıntılar haqqında, Gülüstan qalasının tarixi haqqında,
Qazıntılar nəticəsində üzə çıxarılmış arxeoloji tapıntıların və qazıntı zamanı fotolar, video müsahibələr, elmi məqalələr, mətbuatda Şamaxı-Ağsu Arxeoloji ekspedisiyası haqqında dərc edilən məlumatlar yer alır.
İnternet saytın köməyi ilə ekspedisiya elmi ictimaiyyət ilə daim əlaqədə ola biləcək, onların istənilən suallarına cavab verə biləcək. Gələcəkdə saytın ingilis və rus dillərində hazırlanması da nəzərdə tutulur. Sayt www.shamakhiagsuexpedition.org ünvanında yerləşir.