Azərbaycan, Bakı, 12 noyabr /Trend, müxbir B.Hacıyev/
Moskvada keçirilən Avropa Millətlər Kuboku turnirində Azərbaycanın hər iki yığma komandası finala yüksəlib. Rəqib Rusiya güləşçiləri olacaq.
Azərbaycan Güləş Federasiyasından şənbə günü Trend-ə verilən məlumata görə, hər iki yığma komandamız qrupda birinci yeri tutaraq finala yüksəlib. Finalda rəqib digər qrupun qalibi Rusiya yığması olacaq. Final görüşləri noyabrın 13-də keçiriləcək.
Sərbəst güləş - A qrupu
Azərbaycan - Bolqarıstan 7-0
Azərbaycan - Belarus 6-1
Yunan-Roma güləşi - B qrupu
Azərbaycan - Ukrayna 7-0
Azərbaycan - Bolqarıstan 4-3