...

Azərbaycanın dövlət rabitə operatoru "Sorğu üzrə TV" xidmətini işə salacaq

Cəmiyyət Materials 24 Yanvar 2012 17:37 (UTC +04:00)

Trend-i buradan izləyin

Azərbaycan, Bakı, 24 yanvar /Trend, müxbir H.Vəliyev/

Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyi (İB) "Sorğu üzrə TV" (TV on Demand - TVoD) xidmətini göstərməyə başlamağı planlaşdırır. Bu barədə çərşənbə axşamı Trend-ə İB-dən məlumat veriblər.

TvoD IP-TV xidmətləri çərçivəsində göstərilən interaktiv şəbəkələrdən biridir. Bu xidməti təşkil etmək üçün operator texniki platformanı yeniləməyi və hazırda şəbəkədə istifadə edilən MPEG2 standartını MPEG4 ilə əvəzləməyi planlaşdırır.

Operatorun yeni xidməti "Teleradio" İB-nin infrastrukturunun üstündən göstəriləcək. Hazırda IP-TV xidmətlərinin göstərilməsi üzrə bütün məsələlər artıq həll edilib və bu, "Teleradio" ilə birgə həyata keçirilir.

"Aztelekom"da hesab edirlər ki, TV on Demand xidməti daha maraqlı və tələbatlı ola bilər ki, bu da həm operatorun özünə, həm də "Teleradio" İB-yə əlavə gəlir verə bilər.

TV on Demand televiziya verilişlərinin təxirə salınmış izlənməsi sistemidir. İstifadəçi əvvəlcədən televiziya verilişini yazmaq üçün lazımi kanalları seçə və sonradan yazılmış verilişlərə baxa bilər.

Qəbul edilən kanal (televiziya stansiyasından) TvoD-serverdə yazılır. Yazılmış materialların təsviri zamanı müştəri prefiksində televiziya verilişlərinin başlanması haqqında məlumat göstərilə bilər.

Xəbər lenti

Xəbər lenti