...

Dərmanların keyfiyyəti ilə bağlı yoxlamaların xəbərdarlıqsız aparılması təklif olunur

Cəmiyyət Materials 3 May 2018 13:09
Səhiyyə Nazirliyinin Analitik Ekspertiza Mərkəzinin Dərmanların Keyfiyyətinə Nəzarət İnspeksiyasının rəisi Pərviz Əzizbəyov obyektlərdə yoxlamaların xəbərdarlıqsız aparılmasını təklif edir.
Dərmanların keyfiyyəti ilə bağlı yoxlamaların xəbərdarlıqsız aparılması təklif olunur

Trend-i buradan izləyin

Bakı. Elçin Mehdiyev – Trend:

Səhiyyə Nazirliyinin Analitik Ekspertiza Mərkəzinin Dərmanların Keyfiyyətinə Nəzarət İnspeksiyasının rəisi Pərviz Əzizbəyov obyektlərdə yoxlamaların xəbərdarlıqsız aparılmasını təklif edir.

Trend-in məlumatına görə, Milli Məclisin Səhiyyə komitəsinin bu gün keçirilən iclasında P.Əzizbəyov bildirib ki, nazirlik hazırda plandankənar yoxlamalar apara bilmir.

O qeyd edib ki, qanunvericiliyə əsasən plandankənar yoxlamalar yalnız şikayətlər, KİV-də gedən məlumatlar, o cümlədən dövlət orqanlarının müraciəti əsasında aparılır:

“Gələcəkdə yoxlamalarla bağlı qanunvericilikdə dəyişikliklər edilsə, yaxşı olar. Hazırda aparılan yoxlamaların effekti olmur, çünki yoxlama gedərkən xəbərdarlıq edilir, sonra yoxlamalara başlanılır. Bu müddətdə də sahibkar müvafiq tədbirlər görür, ona görə də obyektə gedəndə nəticə olmur. Bununla bağlı Səhiyyə Nazirliyi də təkliflər hazırlayacaq ki, yoxlamalar xəbərdarlıqsız həyata keçirilsin”.

Məqalədə:
Xəbər lenti

Xəbər lenti