...

Bayıldakı son sürüşmədən sonra 16 mərtəbəli binaya bitişik binada da çökmə yarandı (ÖZƏL)

Cəmiyyət Materials 21 May 2018 10:03 (UTC +04:00)
Bayıldakı son sürüşmədən sonra 16 mərtəbəli binaya bitişik binada da çökmə yaranıb.
Bayıldakı son sürüşmədən sonra 16 mərtəbəli binaya bitişik binada da çökmə yarandı (ÖZƏL)

Trend-i buradan izləyin

Bakı. İlhamə İsabalayeva - Trend:

Bakının Səbail rayonunun Bayıl qəsəbəsinin Buxta küçəsi, 9 ünvanında sürüşmə prosesindən sonra İbrahim Məmmədov, 2-A küçəsində yerləşən 16 mərtəbəli binaya bitişik köməkçi binada çökmə prosesi yaranıb.

Bunu özəl olaraq Trend-ə Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov deyib.

Onun sözlərinə görə, həmin köməkçi binanın sütunlarından biri təxminən 20 sm çöküb.

Ə.Qaralov qeyd edib ki, Buxta küçəsi, 9 ünvanındakı sürüşmə sahəsində vəziyyətin mütəmadi olaraq dəyərləndirilməsi üçün 11 mayak quraşdırılıb. Ərazinin müxtəlif hissələrində quraşdırılan mayaklar vasitəsilə sürüşmə sahəsində dəyişikliklərin olub-olmadığı müəyyənləşdiriləcək.

Teleqüllə sürüşmə sahəsindəki hazırkı vəziyyəti dəyərləndirən nazirlik rəsmisi əlavə edib ki, hazırda orada sürüşmə sahəsində stabil vəziyyət hökm sürür.

Qeyd edək ki, Bayıl yamacında - “Buxta 9” ünvanında yerləşən yaşayış binalarında sürüşmə-çökmə prosesləri mayın 3-də başlayıb, mayın 14-15-də isə proses artıq fəallaşıb. Nəticədə 3-4 bina tamamilə dağılıb, 20 ev isə təhlükə zonasında yerləşir.

Məqalədə:
Xəbər lenti

Xəbər lenti