Bakı. Trend:
10 il sonrakı vəziyyəti təsəvvür etsək, deyə bilərik ki, bütün məktəblərdə sertifikasiya balı yüksək olan müəllimlər çalışacaq.
Trend xəbər verir ki, bu sözləri Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu təhsilverənlərin sertifikatlaşdırılması ilə bağlı bu gün keçirilən brifinqdə deyib.
O qeyd edib ki, artıq valideynlər məktəb seçmək məcburiyyətində qalmayacaq.
“Nəzərdə tutduğumuz ideal məktəb modeli budur. Valideynlər arzu edir ki, övladlarının təhsilində savadlı müəllimlər iştirak etsin”, - deyə o əlavə edib.