Bakı. Trend:
Ölkədə İnformatika müəllimi olmaq istəyən şəxslərin sayı artıb.
Trend xəbər verir ki, bu sözləri Məktəbəqədər və Ümumi Təhsil üzrə Dövlət Agentliyinin Ümumi Təhsilin təşkili şöbəsinin müdir müavini, Nurlan İsmayılbəyli təhsilverənlərin sertifikatlaşdırılması ilə bağlı bu gün keçirilən brifinqdə jurnalistlərin suallarını cavablandırarkən deyib.
O bildirib ki, bu sahədə hər hansı çatışmazlığın yaranacağı gözlənilmir:
"Bu sahədə müəyyən təlimlər keçmiş və peşəkarlaşmış şəxslər çalışa bilir".
Qeyd edək ki, o bu fikirləri jurnalistin “İnformatika müəllimlərinin sayının az olması və sertifikasiyadan kəsiləcəkləri təqdirdə bu sahədə çatışmazlıq yaranmayacaqmı?” sualına cavab olaraq səsləndirib.