Fevralın 25-də Azərbaycanın səhiyyə naziri Oqtay Şirəliyev və fövqəladə hallar naziri Kəmaləddin Heydərov Moskvada Bauman bazarının çökməsi nəticəsində yaralanmış azərbaycanlılarla görüşəcək. Trend in xəbər verdiyi kimi, bu barədə Səhiyyə nazirliyinin fevralın 25-də yayılmış press-relizində deyilir.
Məlumatda bildirilir ki, nazirlər azərbaycanlıların yerləşdirildiyi xəstəxanalara baş çəkərkən onları Moskvanın Səhiyyə Departamentinin rəhbəri Andrey Selisovski müşayiət edəcək. "Xəstələrə lazımi yardım göstəriləcək", - deyə məlumatda qeyd edilir.
Prezident İlham Əliyevin sərəncamı ilə vəsait və meyidləri gətirmək üçün xüsusi təyyarə ayrılıb.