2006-2007- ci tədris ili üçün xüsusi qabiliyyət tələb edən ixtisaslara qəbul planı 2038 yerdən ibarətdir. Bu barədə Trend ə Tələbə Qəbulu üzrə Dövlət Komissiyasından (TQDK) xəbər veriblər.
Artıq iyunun 28-dən xüsusi qabiliyyət tələb edən ixtisasları seçmiş abituriyentlər 13 dövlət və 1 qeyri-dövlət ali təhsil müəssisələrində qabiliyyət imtahanı verirlər.
2038 yerdən 720-si Azərbaycan bölməsinin abituriyentləri, 62 yer isə rus bölməsinin abituriyentləri üçün ayrılıb, 1256 yer isə Azərbaycan və rus bölmələrinin birgə müsabiqəsi üçün ayrılıb. 2005-ci ildə bu ixtisaslar üzrə qəbul planı 2008 yer idi.