Fransa, Strasburq/ Trend müxbir E.Məcidli/ Fransanın Strasburq şəhərində Azərbaycanın AŞPA-dakı daimi nümayəndəliyi Novruz bayramı ilə bağlı tədbir keçirib.
Daimi nümayəndəliyin binasında təşkil olunan tədbir, nümayəndəliyin rəhbəri Arif Məmmədovun şəhərdə təhsil alan azərbaycanlı tələbələrlə görüşü ilə başlayıb.
Görüşdə tələbələrin qarşılaşdıqları problemləri dinləyən səfir, onlara öz tövsiyələrini çatdırıb. Azərbaycan ilə bağlı hər hansı bir fəaliyyətdə öz köməyini əsirgəməyəcəyini bildirən Məmmədov, tələbələri daha da aktiv olmağa çağırıb.
Qarşılıqlı söhbət şəraitində keçən görüşdə hər ay səfirlə tələbələr arasında görüş keçirilməsi qərara alınıb.
Daha sonra tədbirdə Azərbaycan mətbəxindən yemək və şirniyyatlar qonaqlara təqdim olunub.
Tədbirdə Strasburqda fəaliyyət göstərən Azərbaycan dərnəklərinin rəhbər və üzvləri də iştirak edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
