Bakı. Trend:
Noyabrın 29-da Futbol üzrə UEFA Çempionlar Liqasının qrup mərhələsinin 5-ci turunda növbəti oyunlar keçirilib.
Trend-in məlumatına görə, A qrupunda mübarizə aparan “Bavariya” öz meydanında “Kopenhagen”in müqavimətini qıra bilməyib – 0:0. B qrupunda “Arsenal” “Lans”ı darmadağın edib. Meydan sahibləri Fransa klubunun qapısından 6 cavabsız top keçirib – 6:0.
Günün maraqlı qarşılaşmalarından biri Madriddə oynanılıb. “Real Madrid” öz meydanında “Napoli”dən üstün olub – 4:2. Milanın “İnter” klubu isə səfərdə “Benfika” ilə matçda 0:3 hesabı ilə geri düşdüyü oyunda heç-heçəyə nail olmağı bacarıb. Matç 3:3 hesabı ilə yekunlaşıb.
“Braqa” – “Union” (1:1) və “Real Sosyedad” – “Zaltsburq” (0:0) görüşləri isə heç-heçə başa çatıb.