Bakı. Trend:
UEFA Çempionlar Liqasında əsas mərhələnin püşkatma mərasimi Monakoda keçirilib.
Trend xəbər verir, liqa mərhələsi sentyabrın 17-19-da keçiriləcək oyunlarla start götürəcək və 2025-ci il yanvarın 29-da sona çatacaq. İlk 8 pillədə yer alan komandalar birbaşa 1/8 finala yüksələcəklər.
Turnir cədvəlində 9-16-cı yerləri tutan komandalar 17-24-cü yerləri tutan rəqiblərlə pley-off oyunlarında qarşılaşacaqlar. 8 cütün qalibi növbəti mərhələyə keçəcək. Liqa mərhələsində ilk “24-lüy”ə daxil olmayan komandalar isə avrokuboklarla vidalaşmalı olacaqlar.
