...

“Azərenerji” bayram günlərində gücləndirilmiş iş rejimində işləyəcək

İqtisadiyyat Materials 28 Dekabr 2016 14:29 (UTC +04:00)
“Azərenerji” ASC bayram günlərində faydalı iş əmsalını ikiqat artıracaq.
“Azərenerji” bayram günlərində gücləndirilmiş iş rejimində işləyəcək

Bakı. Trend:

“Azərenerji” ASC bayram günlərində faydalı iş əmsalını ikiqat artıracaq. “Azərenerji”nin struktur vahidinə daxil olan qurumlarda hər hansı çətinliklərin yaranması gözlənilmir və bütün imkanlar səfərbər edilib.

Bunu Trend-ə “Azərenerji” ASC-nin İctimaiyyətlə əlaqələr və mətbuat xidmətinin rəisi Yəhya Babanlı deyib.

O qeyd edib ki, Səhmdar Cəmiyyətin Enerjinin İstehsalı İdarəsi stansiyaların fəaliyyətinin daha da keyfiyyətli və dayanıqlı olmasını təmin etmək məqsədi ilə bütün müəssisələrində məsul növbətçilərin say tərkibini artırıb və qəza-bərpa briqadaları yaradılıb:

"Səhmdar Cəmiyyətin Elektrik Enerjisinin Ötürülməsi İdarəsi tərəfindən elektrik verilişi xətləri və yarımstansiyaları növbədənkənar təftiş edilib. Bütün regional enerji şəbəkələri günün tələbinə uyğun iş rejiminə keçirilib. Eyni zamanda, növbətçi briqadaların sayı artırılıb və onlar müvafiq nəqliyyat vasitələri ilə təmin olunub".

Məqalədə:
Xəbər lenti

Xəbər lenti